د پکتیا ولایت مرافعه محکمې د عمومي رئیس په مشرۍ اداري او قضائي غونډه وشوه

m_admin
أحد, نوفمبر 22 2026 2:48 مساء
د پکتیا ولایت مرافعه محکمې د عمومي رئیس په مشرۍ اداري او قضائي غونډه وشوه

د پکتیا ولایت مرافعه محکمې د عمومي رئیس محترم الحاج مفتي عزیزالله (حیدري) په مشرۍ، د مرافعه او ښاري ابتدائیه محاکمو د دېوانونو رئیسانو او غړو، د اختصاصي محکمې رئیس او غړو، د وثایقو، تحریراتو، دعوت او ارشاد او حقوقو آمریتونو مسئولینو په ګډون، د روان ۱۴۴۸هـ ق کال د جمادي‌ الآخره میاشتې په ۴مه نېټه، اداري او قضائي غونډه وشوه.

یاده غونډه د قرآنکریم د مبارکو آیاتونو په تلاوت پیل شوه؛ ورپسې د پکتیا ولایت مرافعه محکمې عمومي رئیس د یو شمېر اداري او قضائي موضوعاتو په اړه خبرې وکړې او د اړوندو اصولو او لارښوونو پر رعایت یې ټینګار وکړ.

نوموړي د عاليقدر امیرالمؤمنین «حفظه‌الله‌تعالی» د فرمانونو د اطاعت او د سترې محکمې د عالي مقام د اصولو، متحدالمآلونو او لارښوونو د مطالعې او عملي کولو په اړه وویل، چې ټول مسئولین باید په دې برخه کې جدي پاملرنه وکړي او خپلې چارې د نافذه اصولو او لارښوونو په رڼا کې ترسره کړي.

د مرافعه محکمې رئیس همدارنګه ټینګار وکړ، چې د هرې محکمې رئیس باید له خپلو غړو سره د اړوندو موضوعاتو په اړه مشورې او همغږي ولري، څو د خلکو قضیو او غوښتنو ته پر وخت رسېدنه وشي او د مراجعینو د کارونو د ځنډ مخنیوی وشي.

نوموړي د ټولو اړوندو ادارو ترمنځ د اصولو په رڼا کې پر همغږۍ، د کاري وخت پر ښه مدیریت، دندو ته په ټاکلي وخت حاضرېدو او د اداري سلسله‌مراتبو پر رعایت هم ټینګار وکړ او وویل، چې په چارو کې باید داسې نظم رامنځته شي، څو د خلکو کارونه له خنډ او ځنډ سره مخ نه شي.

په پای کې د غونډې ګډونوالو د یادو لارښوونو د عملي کولو په برخه کې د لازمو اقداماتو ډاډ ورکړ او غونډه د دعاء په ویلو پای ته ورسېده.

Latest news

أربعاء, يونيو 24 2026 9:31 صباحا
Background image

نائب الشؤون القضائية بالمحكمة العليا يزور محافظات تخار وسمنغان وفارياب وسربل بهدف متابعة سير العمل في المحاكم وتحسين أدائها

قام نائب الشؤون القضائية بالمحكمة العليا، فضيلة الشيخ محمد قاسم (راسخ)، برفقة فضيلة الحافظ المولوي عبد الولي (محمود) نائب الرئاسة العامة للتفتيش القضائي والوفد المرافق لهما، بزيارة. . .

سبت, مايو 16 2026 11:28 صباحا
Background image

قام فضیلة قاضي القضاة ورئيس المحكمة العليا بزيارة إلى محافظات قندوز، بدخشان، بلخ، جوزجان، وبغلان

أجرى قاضي القضاة ورئيس المحكمة العليا، فضيلة الشيخ عبدالحكيم (الحقاني)، برفقة كلّ من رئيس إدارة التخطيط والسياسات في المحكمة العليا سماحة المولوي محمد جمعة (فیضاني)، ونائب الرئاسة. . .

ثلاثاء, مايو 12 2026 11:39 صباحا
Background image

تقرير موجز عن رئاسة العلاقات العامة والخارجية والإعلام في المحكمة العليا خلال الربع الثالث من عام 1447هـ ق

قامت رئاسة العلاقات العامة والخارجية والإعلام في المحكمة العليا خلال الربع الثالث من عام 1447هـ بالأنشطة الرئيسية التالية:
1- تم إعداد وتسجيل أربعة (4) من برنامج «القضاء والشعب»، وتم. . .

BACK TO NEWS