د کابل مرافعه محکمې مرستيال د یاد ولايت د قضايای امارت له پلاوي سره وکتل
د کابل ولایت مرافعه محکمې مرستیال محترم مفتي محمد مبین (الطاف)، نن يکشنبې ۲۵/ ۱۰/ ۱۴۴۷هـ ق نېټه په خپل کاري دفتر کې د کابل ولایت د قضایای امارت له پلاوي سره وکتل.
په پیل کې د مرافعه محکمې مرستیال د قضایای امارت پلاوي ته ښه راغلاست ووایه؛ ورپسې د کابل ولایت د قضایای امارت د ښاري چارو مدیر مسعود احمد عزیزي، د امارتي قضایاوو او دوسیو د حل په اړه تفصیلي معلومات وړاندې کړل.
د ليدنې په دوام مدعيبالعموم مولوي طلا محمد او اداري مدیر اعجازالحق هم خپلې خبرې او نظریات شریک کړل.
په پای کې د مرافعه محکمې مرستیال د شته موضوعاتو د حل لپاره لازمې لارې چارې بیان کړې وویل، اسلامي نظام له موږ څخه زیاته قرباني غواړي، نو اړینه ده چې شپه او ورځ په اخلاص او صداقت سره خپلې دندې ترسره کړو او د عامه حقوقو څخه په اصولي ډول دفاع وکړو، تر څو خپل مسؤولیت په سمه توګه ادا کړو.
لیدنه د دعاء په ویلو پای ته ورسېده.
