په پکتيا ولايت کې يوه متهم ته تعزیري سزا ورکړل شوه
د پکتيا ولايت زرمت ولسوالۍ ابتدائیه محکمې د پرېکړې له مخې يو کس ته چې پر غلا متهم و؛ نن دوشنبې ۱۹/ ۱۰/ ۱۴۴۷هـ ق نېټه په عام محضر کې تعزیري سزا ورکړل شوه.
ابتدائیه محکمې یاد متهم پر شپږ مياشتې تنفيذي بند او ۲۰ دُرو تعزیري سزا محکوم کړی و؛ دغه پرېکړه د سترې محکمې عالي مقام له تائيد وروسته، د یادې ولسوالۍ د ولسوال، امنيتي ادارو مسؤولينو، د علماوو شورا رئیس، د امربالمعروف، نهی عن المنکر او شکایاتو د اورېدو آمر، قومي مشرانو او مجاهدينو په شتون کې پر متهم تطبيق شوه.
