د ميدان وردګ ولايت جغتو ولسوالۍ ابتدائیه محکمې مسؤولينو په هڅو د قتل (۴۰) کلنه موضوع حل شوه

 د میدان وردګ ولايت جغتو ولسوالۍ ابتدائیه محکمې د مسؤولينو په هڅو؛ قومي مشرانو او سپين‌ږیرو په منځګړیتوب، (۴۰) کاله مخکې رامنځته شوې د ځمکې پر سر حقوقي موضوع په ۵/ ۷/ ۱۴۴۷ هـ ق حل او فصل شوه.
یاده موضوع (۴۰) کاله مخکې د جغتو ولسوالۍ د (بیدمشک) په کلي کې د دوو کورنيو ترمنځ د ځمکې پر سر د شخړې له امله رامنځته شوې وه، چې په پایله کې له دواړو کورنیو څخه یوـ یو تن په قتل رسېدلی و.
د جغتو ولسوالۍ ابتدائیه محکمې مسؤولینو دواړه کورنۍ سولې ته وهڅولې او دوی هم په خپله خوښه او رضا سره سولې ته غاړه کېښوده.
په دې توګه د دواړو کورنيو ترمنځ شته دښمني په دوستۍ بدله شوه؛ یو بل ته یې بخښنه وکړه او موضوع يې رسما حل شوه.