د فراه ولايت بالابلوک ولسوالۍ ابتدائیه محکمې مسؤولينو په هڅو د دوو کورنيو ترمنځ (۱۷) کلنه دښمني پای ته ورسېده
د فراه ولايت بالابلوک ولسوالۍ ابتدائیه محکمې مسؤولينو په ډېرو هڅو؛ د قومي مشرانو او علماوو په منځګړيتوب په ۲/ ۶/ ۱۴۴۷ هـ ق نېټه د دوو کورنيو ترمنځ د عمدي قتل له امله رامنځته شوې (۱۷) کلنه دښمني د سولې له لارې حل او فصل شوه.
یاده موضوع ابتدائیه محکمې ته تر راجع کېدو وروسته په غور او دقت وڅېړل شوه، وروسته د مسؤولينو په هڅو دواړه لوري سولې ته ترغیب شول او دوی هم قبوله کړه.
د مسؤولينو په هڅو او د قومي مشرانو په منځګړيتوب یاده موضوع رسماً پای ته ورسېده او دښمني يې په دوستۍ بدله شوه.
