د بلخ ولایت مرافعه او نظامي زون محاکمو لپاره نوي رئیسان معرفي شول
د بلخ ولايت مرافعه محکمې نوی رئيس محترم مفتي غلام الله (مظهري) او د دغه ولایت د نظامي محکمې نوي رئیس محترم مفتي حفیظ الله (محمدي) په ۲۷/ ۳/ ۱۴۴۷ هـ ق نېټه د يوې غونډې په ترڅ کې د يادو محاکمو قضائي غړو او اداري کارکوونکو ته معرفي او رسماً یې کارونه پیل کړل.
په دې موخه جوړه شوې غونډه کې د بلخ مرستیال والي محترم مولوي (ابوادریس)، د کندوز زون د نظامي محکمې رئیس شیخ عبدالهادي (همت)، د محاکمو رئیسانو او قضائي غړو ګډون کړی وو.
د معرفت غونډه کې ګډونوالو نويو رئيسانو ته د الله تعالی له دربار څخه په چارو کې د بریا او د دندو د ښو سرته رسولو د توفيق غوښتنه وکړه.
غونډه د دعاء په ویلو پای ته ورسېده.
