د خوست ولایت مرافعه محکمې رئیس په مشرۍ یوه پلاوي د دغه ولایت له عمومي زندان څخه لیدنه وکړه
د خوست د مرافعه محکمې رئیس محترم مولوي عین الله (خلیل) چې د مرافعه محکمې د جزا دېوان رئيس الحاج مولوي عبدالقیوم (صاحب زاده)، د ښاري ابتدائیه محکمې رئیس او د یادې محکمې د جزا او عامه امنیت دېوانونو رئیسانو یې ملتیا کوله، په ۵/۲/۱۴۴۷ هـ ق نېټه د دغه ولایت له عمومي زندان څخه لیدنه وکړه.
د مرافعه محکمې رئیس او ورسره مل پلاوي په یاده لیدنه کې د بندیانو اړتیاوې او نظرونه واورېدل، بندیانو ته ډاډ ورکړل شو چې هېڅ زنداني به زندان کې بېبرخلیکه نه پاته کېږي؛ بلکې دوسیې به یې د اړوند محاکمو لخوا په ټاکلي وخت حل او فصل کېږي.
زندانیانو د مرافعه محکمې له رئیس او ورسره مل پلاوي مننه وکړه چې تل یې د دوی د وضعیت پوښتنه کړې او دوسیو ته یې په ټاکلي وخت رسېدنه کېږي.
