په ارزګان ولايت کې (۱۵) مجرمينو او متهمينو ته تعزیري سزا ورکړل شوه
د ارزګان ولايت د ښاري ابتدائیه محکمې د پرېکړې له مخې پنځو کسانو ته د غلا، څلورو کسانو ته د زنا، څلورو کسانو ته د لواطت په تور او دوو کسانو ته د نامشروع اړيکو په جرم نن پنجشنبه ۱۹/ ۱۰/ ۱۴۴۶ هـ ق نېټه، په عام محضر کې تعزیري سزا ورکړل شوه.
ابتدائیه محکمې یاد کسان له یو څخه تر درېيو کلونو تنفیذي بند او ۳۹ـ ۳۹ دُرو تعزیري سزا محکوم کړي وو؛ چې یاده پرېکړه د سترې محکمې د عالي مقام له تائيد وروسته پر مجرمینو او متهمینو تطبيق شوه.
