د هلمند ولايت مرافعه محکمې رئيس په مشرۍ اداري غونډه وشوه
د هلمند ولایت مرافعه محکمې عمومي رئيس محترم الحاج مولوي محمد (محمدي) په مشرۍ چې د مرافعه محکمې مرستيال، د دېوانونو رئیسانو، مفتیانو، محررینو، د تحریراتو آمر او د امنیتي قطعې مسؤول په کې ګډون درلود، په ۱۸/ ۹/ ۱۴۴۶هـ ق نېټه اداري غونډه وشوه.
غونډه د قرآنکریم د څو مبارکو آیاتونو په تلاوت پیل شوه؛ ورپسې د مرافعه محکمې رئيس د غونډې اجنډا وړاندې کړه او په هغو موضوعاتو چې له ابتدائیه محاکمو څخه راغلي وو؛ هر اړخير بحث وشو.
د غونډې په دوام د ابتدائیه محکمې څخه راغلو موضوعاتو ته حللارې پيدا او وړاندیز شوې.
دغه راز په دې غونډه کې علماء کرامو ته ځينې موضوعات ورکړل شول، ترڅو يې ځوابونه په تحریري شکل راتلونکې اداري غونډې ته راوړي.
د غونډې په وروستيو کې د مرافعه محکمې رئیس لخوا د چارو د سمون په موخه ګډونوالو ته لازم هدایات وشول.
غونډه د دعا په ویلو پای ته ورسېده.
