د ميدان وردګ ولايت مرافعه محکمې رئيس د ياد ولايت د شپږو ولسواليو له ابتدائيه محاکمو څخه ليدنه وکړه
د میدان وردګ ولایت مرافعه محکمې عمومي رئیس محترم مفتي عبدالله (فرقاني)؛ د تحریراتو د آمر مولوي عبدالحنان په ملتيا، د روان ۱۴۴۶ هـ ق کال د شعبان المعظم مياشتې له ۳مې څخه تر ۱۳مې نېټې پورې د ياد ولايت د دايميرداد، جغتو، سيدآباد، جلرېز، نرخ او چک ولسواليو له ابتدائيه محاکمو څخه ليدنه وکړه.
په دې ليدنه کې د مرافعه محکمې رئيس د محاکمو ټولو مسؤولينو ته اړينې سپارښتنې وکړې وويل، حاضرۍ ته پابند اوسئ، له مراجعينو سره غوره چلند کوئ، کارونه پر وخت ترسره کوئ، تر څو دوسيې له ځنډ او خنډ سره مخ نه شي او جزائي دوسيو ته په اجراآتو کې لومړيتوب ورکړئ.
د يادونې وړ ده چې په دې ليدنه کې د يادو ټولو محاکمو د قضائي، حقوقي او اداري برخو له اجراآتو څخه هم څارنه وشوه.
