د کابل ولایت مرافعه محکمې رئیس د ياد ولايت د درېيو ولسواليو له ابتدائيه محاکمو څخه ليدنه وکړه
د کابل ولایت د مرافعه محکمې عمومي رئيس محترم مفتي ذبیح الله (ساجد) د مالي مدیر قاري عبیدالله (عابد) په ملتیا په ۲۹ /۶ /۱۴۴۶هـ ق نېټه د یاد ولایت د ګلدرې، فرزې او استالف ولسوالیو له ابتدائیه محاکمو او حقوقو مدیریتونو څخه لیدنه وکړه.
د مرافعه محکمې رئيس په دې ليدنه کې د یادو محاکمو له قضائي غړو، اداري کارکوونکو او د حقوقو له کارکوونکو سره وکتل، له اجراآتو یې څارنه وکړه او د محاکمو ټولو کارکوونکو ته په خطاب کې یي وويل؛ خپلې چارې د الله تعالی د رضا په خاطر د اسلامي امارت د اصولو، لوایحو او طرزالعملونو سره سمې ترسره کړئ، له مراجعینو سره ښه چلند وکړئ، د محکمې مسؤولین باید له نورو اړوند ادارو سره چې د ولسوالۍ په محوطه کې موقیعت لري، په ځانګړي ډول د حقوقو مدیریت سره دې ښه همغږي ولري، ترڅو کارونه له خنډ او ځنډ سره مخ نه شي.
د لیدنې په دوام د یادو محاکمو مسلکي او اداري کارکوونکو د کارونو د ښه ترسره کېدو په موخه يو لړ وړاندیزونه وکړل چې وړاندیزونه يې قبول او مرافعه محکمې ته د لېږلو په موخه ورته هدايت ورکړل شو.
د ليدنې په وروستيو کې د یادو محاکمو غوښتنې واورېدل شوې او د مرافعه محکمې رئيس لخوا د یادو غوښتنو د پوره کېدو ډاډ ورکړل شو.
