د کابل ولایت مرافعه محکمې عمومي رئیس د عریضو لیکونکو سره په خپل دفتر کې غونډه ترسره کړه
دا چې د کابل د مرافعه محکمې په سیمه کې د عریضو لیکونکو لیکلي عریضې د شریعت سره برابرې نه وي او خلکو ته یې ستونزې جوړي کړي وي له همدې کبله د کابل ولایت د مرافعه محکمې عمومي رئیس محترم مولوی عبدالشکور "رشادآخندزاده" صاحب د یادو عریضو لیکونکو سره په خپل دفتر کې د ۱۴۴۵ کال د ربیع الاول د میاشتې په ۵مه نېټه غونډه ترسره کړه.
په غونډه کې ټول هغه عریضه لیکونکي موجود وو کوم چې د کابل د مرافعه محکمې عمومي ریاست او استینافي دېوانونو په سیمه کې عریضې لیکي .
غونډه د قرآن الکریم د څو مبارکو آیتونو په قرات سره پیل شوه؛ لومړی ښاغلي رشاد صاحب د عریضو لیکونکو ته په خطاب کې وویل : کومې عریضې چې تاسو یې لیکئ ډېرې يې د هغه شرایطو سره برابرې ندي کوم چې په اسلامي شریعت کې د عریضو لیکلو ته تعین شوي دي، نو له همدې کبله د نا سم لیکل شویو عریضو له کبله ډېرې عریضې د محاکمو لخوا مستردېږي، چې له همدې کبله خلکو ته ډېرې مالي ستونزې پیښیږي، د محاکمو او خلکو وخت هم بې ځایه ضایع کیږي .
ښاغلي رشاد صاحب زیاته کړه ، د خلکو ستونزو ته په کتو، د محاکمو او د خلکو د وخت د ضایع کېدو څخه د مخنیوي لپاره د کابل مرافعه محکمې هوډ وکړ چې د عریضو د لیکلو ټول هغه شرایط چې شریعت د عریضو په لیکو کې عریضه لیکونکي پرې مکلفوي را ټول او دوی ته په لیکلي بڼه ور وسپاري ، چې الحمدلله ټول هغه شرایط غونډ کړای شوه او نن په دې غونډه کې تاسو ته در سپارل کیږي او تاسو ټول د عریضو په لیکلو کې د دې شرایطو په مراعتولو مکلف یاست او دا چې نور د ناسمو عریضو له کبله ملت ته زیان ونه رسیږي نو د سر غړونې په صورت کې د عدلیې محترم وزارت سره په همغږۍ به د سرغړونکو جواز واخیستل شي.
په پای کې د ګډون والو ستونزې او وړاندیزونه واورېدل شوه او د رشاد صاحب لخوا ورته لارښوونې وشوې .
غونډه د دعائیې په لوستلو سره پای ته ورسېده.