د بلخ ولایت محاکمو په یوه اونۍ کې د (۱۵۸) دوسیو پر حل او فصل سربېره (۱۹۴) بېلا، بېل وثایق اجرأ کړي

په دغه راپور کې د بلخ ولایت اړوند محاکمو د یوې اونۍ (۱۰/۹/‍۱۴۴۴ هـ ق څخه تر ۱۵/۹/۱۴۴۴هــ ق) نېټې قضائي، حقوقي او تجارتي اجراآت شامل دي. په حقوقي برخه کې: په یوه اونۍ کې د بلخ ولایت محاکمو ته(۱۱۱)حقوقي دوسیې راجع شوې دي، په داسې حال کې چې مخکې هم یو شمېر دوسیې موجودې وې. له دې جملې څخه (۱۸) دوسیې مکتوبي مستردې شوې دي، د (۴۳) دوسیو په تړاو قضائي قرار صادر شوي، (۱۹) دوسیې فیصله شوې او پاتې نورې تر کار لاندې دي. په جزائي برخه کې: په یوه اونۍ کې د بلخ ولایت محاکمو ته (۴۱) جزائي دوسیې راجع شوې دي، په داسې حال کې چې مخکې هم یو شمېر دوسیې موجودې وې. له دې جملې څخه (۱۸) دوسیې مکتوبي مسترې شوې دی، د (۱۱) دوسیو په تړاو قضائي قرار صادر شوي، (۲۰) دوسیې فیصله شوې دي او پاتې نورې تر کار لاندې دي. په تجارتي برخه کې: په یوه اونۍ کې د بلخ ولایت محاکمو ته (۴۶) تجارتي دوسیې راجع شوې په داسې حال کې چې په دې برخه کې مخکې هم یو شمېر دوسیې موجودې وې. له دې جملې څخه (۱۰) دوسیې مکتوبي مسترې شوې، د (۱۶) دوسیو په اړه قضائي قرار صادر شوي، (۳) دوسیې فیصله شوې دي او پآتې نورې تر کار لاندې دي. دغه راز په همدې موده کې (۱۹۴) بېلا بېل وثایق هم اجرأ شوي دي.