د کونړ ولایت د مرافعه محکمې نوي رئيس محترم مولوي محمد ايوب د معرفت غونډه وشوه
د کونړ ولایت د مرافعه محکمې نوی رئيس مولوي محمد ایوب (قلم) او یادې محکمې د مدني دېوان رئيس مولوي عبدالرشید په ۱۴/ ۴/ ۱۴۴۶ هـ ق نېټه د یوې غونډې په ترڅ کې د دغه ولایت اړوند محاکمو او نورو امارتي مسؤولینو ته ور وپېژندل شول او رسماً یې خپلې دندې پیل کړې.
د یادو مسؤولینو د معرفت غونډه کې د ولایت مقام مرستیال محترم عبدالله (حقاني)، د مرافعه محکمې مخکني رئیس محترم مولوي عزیزالرحمن (حقاني)، قاضي صاحبانو، اداري کارکوونکو او د امارتي ادارو رئيسانو ګډون درلود.
غونډه د قرآنکریم د څو مبارکو آیاتونو په تلاوت پيل شوه؛ ورپسې د کونړ ولایت مرستیال والي، د مرافعه محکمې مخکني رئيس او د مرافعه محکمې نوي رئیس اړوند ټولو قضائي او اداري کارکوونکو ته په خپلو ور سپارل شويو دندو کې د امانت، صداقت او یادو مسؤوليتونو د اهمیت په اړه مهمې سپارښتنې وکړې.
غونډه د دعا په ويلو پای ته ورسېده.
