د کابل ښار د وثيقو او سندونو د ثبت آمريتونو په انګړ کې د (ATM) ماشين فعاله شو
نن د دوشنبې په ورځ د ۲۴/ ۱۲/ ۱۴۴۵ هـ ق نېټه د سترې محکمې د مالي او اداري چارو عمومي رياست په هڅو د کابل ښار د وثيقو او سندونو د ثبت آمريتونو په انګړ کې د عزيزي بانک د صرافۍ خپلکاره (ATM) ماشين فعاله او ګټې اخيستنې ته وسپارل شو.
په دې موخه جوړ شويو مراسمو کې د سترې محکمې د مالي او اداري چارو عمومي رئيس محترم مولوي کريم الله (زاهد)، د عزیزي بانک مسؤولينو، د وثيقو او سندونو د ثبت مسؤولينو او یو شمېر مراجعينو ګډون درلود.
د یادونې وړ ده چې د ياد ماشين په فعاليت سره به د یادې برخې کارکوونکو او مراجعينو ته لازم سهولتونه او اسانتياوې برابرې شي.
