د سترې محکمې د حقوقو عمومي رئیس د شمال زون ولايتونو ته سفر وکړ
![د سترې محکمې د حقوقو عمومي رئیس د شمال زون ولايتونو ته سفر وکړ](/sites/default/files/2024-08/whatsapp_image_2024-08-08_at_12.50.20_am.jpeg)
د سترې محکمې اړوند د حقوقو عمومي رئیس محترم مفتي محمد ابراهیم جان (ابوالحافظ) د یوه پلاوي په ملتیا په ۲۲/ ۱/ ۱۴۴۶هـ ق نېټه د شمال زون ځینو ولایتونو ته د حقوقو ادارو منسوبینو ته د سیمینار او د خالي بستونو لپاره له متقاضیانو څخه د آزموینې په موخه سفر وکړ.
په دې سفر کې ياد پلاوي د مرافعه محاکمو له رئیسانو او د حقوقو له آمرینو سره پر يو شمېر لازمو لارو چارو بحث وکړ او د چارو پر مهال په لا ښې همغږۍ او همکارۍ ټینګار وشو.
دغه راز د ياد پلاوي لخوا د حقوقو آمرینو، د ولسوالیو مدیرانو او مسلکي غړيو ته ځانګړی سیمینار ورکړل شو او د اړوندو اداري څانګو د خالي بستونو ته د وړ کسانو د موندلو او ټاکلو په موخه له (۴۵۰) کسانو د آزاد رقابت له لارې آزموینه واخیستل شوه.
د لاسته راوړنو دا ډک اووه ورځنی سفر په ۲۹/ ۱/ ۱۴۴۶ هـ ق نېټه پای ته ورسېد.