د کندهار ولایت مرافعه محکمې رئيس په مشرۍ اداري غونډه وشوه
د کندهار ولایت مرافعه محکمې رئیس محترم شیخ محمد (محمدي) په مشرۍ؛ د مرافعه محکمې د دېوانونو، د وثايقو آمریتونو او اختصاصي محکمې ټولو قضائي غړو، د تحریراتو رئیس، د دعوت او ارشاد آمر او د امنيتي قطعې قوماندان په ګډون، په ۱۴ /۴ /۱۴۴۷ هـ ق نېټه اداري غونډه وشوه.
غونډه د قرآنکریم د څو مبارکو آیاتونو په تلاوت پیل شوه؛ ورپسې د مرافعه محکمې رئیس د حاضرۍ په تړاو تفصیلي وینا وکړه او له ټولو ګډونوالو یې وغوښتل تر څو حاضرۍ ته ډېره پاملرنه وکړي او د اړتيا پر مهال دې مرافعه محکمه مخکې له مخکې په جریان کې کړي.
د غونډې په دوام د عريضو د ښه سمون او ترتیب په اړه بحث وشو، پرېکړه وشوه چې راتلونکې اونۍ به د عدلیې ریاست د استازي په ګډون له ټولو عریضه ليکونکو سره غونډه ترسره شي، ترڅو دوی ته د عريضې په اړه لازمې لارښوونې وشي.
غونډه د دعاء په ویلو پای ته ورسېده.
