د سترې محکمې د دعوت او ارشاد ریاست پلاوي د هېواد (۱۰) ولايتونو ته سفر پيل کړ

د سترې محکمې د دعوت او ارشاد ریاست رئيس محترم حافظ مولوي عبدالعزيز (ميوندي)، د یاد ریاست د مدرس مفتي عبدالمالک (انقیادي) او د سترې محکمې د امنیتي او اجرائیوي چارو ریاست د دعوت او ارشاد عمومي مدیر مفتي عبدالباري (داعي) په ملتيا په ۲۳/ ۲/ ۱۴۴۷هـ ق نېټه بامیان، دایکنډي، بادغیس، غور، هرات، نیمروز، فراه، هلمند، کندهار او روزګان ولايتونو ته سفر پيل کړ.
د دعوت او ارشاد ریاست پلاوی به یادو ولایتونو ته د سفر پر مهال، د مرافعه، ښاري ابتدائیه او نظامي محاکمو له رئیسانو او د یادو محاکمو د دعوت او ارشاد له آمرینو سره ناستې وکړي.
دغه راز به د دعوت او ارشاد ریاست د رئیس په مشرۍ پلاوی د یادو ولایتونو د محاکمو مسؤولینو او منسوبینو ته د اصلاحي بیانونو ترڅنګ د دعوت او ارشاد آمریت د تېر یوه کال د لاسته راوړنو نظارت او ارزونه وکړي.  
د یادونې وړ ده چې د سترې محکمې د دعوت او ارشاد ریاست پلاوي د خپل سفر په جریان کې، په ۲۴/ ۲/ ۱۴۴۷هـ ق نېټه بامیان ولايت ته سفر وکړ؛ هلته یې د مرافعه محکمې له قضائي غړو، نظامي، اداري او خدمتي کارکوونکو سره وکتل.
دغه راز یاد پلاوي بامیان ولایت ته د سفر پر مهال د مرافعه، ښاري ابتدائیه او نظامي محاکمو له مسؤولینو، منسوبینو او مجاهدینو سره جلا، جلا ناستو کې د تقوا، اخلاص، صداقت، اطاعت، علم، ورسپارل شوو مسؤوليتونو په ښه ډول سرته رسولو او د اسلامي امارت د بقا لپاره د خدمت اړوند مهمې او ارزښتناکې ويناوې وکړې.