د سترې محکمې د دار الافتاء ریاست د ۱۴۴۶ هـ ق کال د درېيمې ربعې د فعاليتونو لنډ راپور
د سترې محکمې د دار الافتاء ریاست د ۱۴۴۶ هـ ق کال په درېيمه ربعه کې لاندې فعاليتونه سرته رسولې دي:
• د سترې محکمې د دار الافتاء ریاست لخوا د ۱۴۴۶ هـ ق کال په درېيمه ربعه کې د قضایاوو اړوند حقوقي او شرعي اړخونو د روښانوالي، د شرعي اصولو د پلي کېدو او د محاکمو د قضائي پرېکړو د تقویت په موخه (۱۰) شرعي فتواګانې صادرې شوې دي؛ یادې فتواګانې د بېلابېلو موضوعاتو په تړاو صادرې شوې، چې د محاکمو د قاضیانو او قضائي منسوبینو د شرعي لارښوونې لپاره کارول کېږي او د قضایاوو د حل او فصل لپاره مستند شرعي بنسټ برابروي.
• د سترې محکمې د دار الافتاء ریاست لخوا د ۱۴۴۶ هـ ق کال په درېيمه ربعه کې یو تن بهرنی تبعه، د تحقیق، پوهاوي او خپل اختیار له مخې د اسلام په مبارک دین مشرف شوی دی؛ د یاد ریاست لخوا د اسلامي اصولو مطابق، د نوموړي د اسلام قبلولو بهیر د اړوند قضائي چارواکو له لوري ثبت او تائید شوی، ورسره یې د اسلام مبارک دين قبلولو رسمي تصدیق پاڼه هم ترلاسه کړې؛ چې دا بهیر د اسلامي ارزښتونو د خپرېدو ترڅنګ د قضائي ادارو د دیني خدمتونو یوه مهمه لاسته راوړنه ګڼل کېږي.
• د ۱۴۴۶ هـ ق کال په درېيمه ربعه کې د سترې محکمې د دار الافتاء ریاست کتابتون رامنځته شو؛ چې د سترې محکمې عالی مقام لخوا ورته يو شمېر کتابونه په څو مرحلو کې واخېستل شول او د یاد ریاست په واک کې ورکړل شول.
