د روزګان ولایت د مرافعه محکمې رئیس د یاد ولایت له محبس څخه لیدنه وکړه
د روزګان ولایت د مرافعه محکمې رئیس محترم مولوي سخیداد (ابوالتقي) د ښاري ابتدائیه محکمې د جزا دېوان رئیس مولوي کلیم الله (ابوالهدي) په ملتيا په ۲۲ /۵ /۱۴۴۶ هـ ق نېټه د ياد ولایت له عمومي محبس څخه ليدنه وکړه.
په دې لیدنه کې د مرافعه محکمې رئیس لومړی د ټولو بندیانو ستونزې واورېدې او ډاډ يې ورکړ چې د شريعت په رڼا کې به رسېدنه ورته وشي.
د لیدنې په دوام د مرافعه محکمې رئيس د ياد محبس له مسؤول حاجي طالب سره د بنديانو په يو شمېر موضوعاتو خبرې اترې وکړې او د ليدنې په پای کې هغه بنديان خوشي شول چې د بند موده يې پوره شوې وه او سپارښتنه ورته وشوه چې په راتلونکې کې له داسې کړنو ځان وساتي چې بېرته يې محبس ته د تللو لامل شي.
