په ننګرهار ولايت کې يوې مجرمې ته تعزیري سزا ورکړل شوه
د ننګرهار ولايت د کوز کونړ ولسوالۍ د ابتدائيه محکمې د پرېکړې له مخې يوې ښځې ته په ۱/ ۵/ ۱۴۴۶هـ ق نېټه له کوره د تېښتې په جرم تعزیري سزا ورکړل شوه.
ابتدائيه محکمې یاده مجرمه پر ۳۹ دُرو تعزیري سزا محکومه کړې وه.
په دې موخه جوړه شوې غونډه کې د ولسوالۍ مرستيال، د استخباراتو مدیریت مرستيال، مجاهدينو، جنایي آمر، علماء کرامو او عامو هېوادوالو ګډون درلود.
غونډه د قرآنکريم د څو مبارکو آياتونو په تلاوت پیل شوه؛ ورپسې علماء کرامو د حدودو او تعزیراتو پر ارزښت هر اړخيزې ویناوې وکړې.
غونډه د تعزیري سزا له تطبيق وروسته د دعا په ويلو پای ته ورسېده.
