د کابل ولایت مرافعه محکمې د وثیقو د اصلاح کمېسیون د روان ۱۴۴۶هـ ق کال په لومړۍ ربعه کې د (۱۲۷) وثیقو د تصحیح قرارونه صادر کړي دي
د کابل ولایت مرافعه محکمې د وثیقو د اصلاح کمېسیون د ۱۴۴۶ هـ ق کال په لومړۍ ربعه کې له (۱/۱/۱۴۴۶ څخه تر ۳۰/۳/۱۴۴۶ هـ ق نېټې) پورې د (۱۲۷) بېلابېلو وثیقو د اصلاح قرارونه صادر کړي دي.
یاد کمېسیون د ټولو هغو وثیقو د تصحېح لپاره د سترې محکمې عالي مقام د هدایت په اساس جوړ شوی چې مخکې د کابل ولایت په ټولو محاکمو کې ترتیب شوي وي او د یادو وثیقو د ترتیب پر مهال په سمه توګه نه وي ډکې شوې؛ یا هم د وثیقو د ذی النفع شخص په نورو اسنادو کې د تغیراتو په راتګ سره د یاد شخص وثیقه هم تصحېح ته اړتیا ولري.
په دغه کمېسیون کې د یادو وثیقو د تصحېح لپاره د جوړشوي طرزالعمل د هدایت سره سم غونډه تر سره کیږې او د وثیقې په اړه له بېلابېلو اړوند ادارو څخه بشپړ معلومات ترسره کیږې، تر معلوماتو وروسته د وثیقې د تصحیح قرارونه صادروي.
یاد کمېسیون په اونۍ کې یو ځل د مرافعه محکمې محترم عمومي رئیس په مشرۍ غونډه ترسره کوي او یادو وثیقو ته په نوبت رسېدنه کوي.
