د کونړ د مرافعه محکمې رئيس د یاد ولايت د ښاروالۍ له مسؤولينو سره وکتل
د کونړ ولایت د مرافعه محکمې رئیس محترم مولوي عزيزالرحمن (حقاني) په ۱۵ /۳ /۱۴۴۶ نېټه د ياد ولایت د ښاروالۍ او د ښاروالۍ ریاست اړوند د املاکو مدیریت له مسؤولینو سره په خپل کاري دفتر کې وکتل.
په دې ليدنه کې لومړی د ښاروالۍ ریاست اړوند مسؤولينو په يو شمېر مهمو موضوعاتو تفصيلي خبرې وکړې؛ ورپسې د مرافعه محکمې محترم رئيس د اجراآتو په تړاو تفصیلي معلومات وړاندې کړل او له مسؤولينو يې د شفافيت، مراجعينو سره د غوره چلند او کارونو په خپل وخت ترسره کولو غوښتنه وکړه.
دغه راز د مرافعه محکمې رئيس د امارتي املاکو قضیو ته د رسېدنې په تړاو لازمې سپارښتنې وکړې او مسؤولينو ته يې له خپله اړخه د اجراآتو په خپل وخت د ترسره کولو ډاډ ورکړ.
