د غزني د نظامي محاکمو امنیتي او اجرائیوي قوماندانۍ لپاره د نوي ټاکل شوي قوماندان د معرفت غونډه وشوه
د قضائيه قوې د محاکمو امنيتي او اجرائيوي چارو عمومي ریاست د نظامي محاکمو د امنیتي او اجرائیوي قطعاتو عمومي قوماندانۍ اړوند د غزني ولايت د نظامي محاکمو امنیتي او اجرائیوي قوماندانۍ د څانګې لپاره نوی ټاکل شوی قوماندان ملا محمد عیسی (عباس) په ۷/ ۳/ ۱۴۴۶ هـ ق نېټه د يوې غونډې په ترڅ کې د يادې قوماندانۍ مسؤولینو او منسوبینو ته ور وپېژندل شو او رسماً یې خپله دنده پيل کړه.
په دې موخه جوړه شوې غونډه کې د نظامي محاکمو امنیتي او اجرائیوي قطعاتو عمومي قوماندان حافظ حکمت الله (آغا ذهین)، د پېژند عمومي مدیر مولوي نور محمد (قتیبه)، د غزني د نظامي محکمې سرپرست رئیس مفتي سید سند، د مرافعه محکمې قوماندان ذبیح الله او نورو مسؤولینو او منسوبینو ګډون درلود.
یاده غونډه د قرآنکریم د څو مبارکو آیاتونو په تلاوت پیل شوه؛ ورپسې د نظامي محاکمو امنیتي او اجرائیوي قطعاتو عمومي قوماندان حافظ حکمت الله آغا ذهین وینا وکړه وویل، د ډېرو قربانيو، ستړیاوو او تکالیفو په پايله کې دا اسلامي نظام قایم شو، نو د نظام پر هر غړي دا لازمه ده چې د دغه اسلامي نظام د بقاء او استحکام لپاره شپه او ورځ په اخلاص خدمت وکړي.
غونډه د دعا په ویلو پای ته ورسېده.
