د پکتیکا د مټاخان ولسوالۍ د ابتدائیه محکمې په هڅو د دوو قومونو ترمنځ (۱۲) کلنه دښمني حل او فصل شوه

په ( ۷/ رجب المرجب/ ۱۴۴۵هـ ق) نېټه د پکتيکا ولايت د مټاخان ولسوالۍ د ابتدائيه محکمې په ډېرو هڅو، د يادې ولسوالۍ د مسؤولينو او د قومي مشرانو په منځګړيتوب د جانيخېلو او مټاخان ولسوالیو د دوو قومونو ترمنځ ۱۲ کلنه دښمني پای ته ورسېده.
شاوخوا ١٢ کاله مخکې د پکتیکا ولایت د مټاخان ولسوالۍ اړوند د موسی خېلو قوم یو تن مسافر هندوستان هېواد کې د جانیخېلو ولسوالۍ د جلالزي قوم د دوو تنو لخوا د چاړو په وسیله په شهادت رسېدلی و؛ له دې امله د یادو قومونو ترمنځ دښمني رامنځته شوې وه.
ياه پېښه د پکتيا ولايت د مټاخان ولسوالۍ ابتدائيه محکمې ته تر راجع کېدو وروسته په غور وڅېړل شوه او د يادې محکمې د رئيس په هڅو او د دې ولسوالۍ د مسؤولينو او قومي مشرانو په منځګړيتوب د دواړو قومونو ترمنځ سوله وشوه او د مقتول وارثینو قاتلینو ته بښنه وکړه.
په دې موخه جوړه شوې غونډه د دواړو کورنيو په رضايت او خوښۍ سره پای ته ورسېده او د دوی د قتل دوسیه رسما پای ته ورسېده.