کندهار ولایت کې څلورو متهمینو ته تعزیري سزا ورکړل شوه
نن یکشنبه (د روان ۱۴۴۵ هـ ق کال د جمادی الثانیه میاشتې په ۲۴مه نېټه) د کندهار ولایت د مرافعه محکمې د جزا دېوان د حکم په اساس څلورو کسانو ته چې پر لواطت متهم وو، د مرافعه محکمې په انګړ کې تعزیري سزا ورکړل شوه.
د متهمینو دوسیې محکمې ته تر راجع کېدو وروسته د کندهار د مرافعه محکمې د جزا دېوان لخوا په دقت وڅېړل شوې ؛ یاد دېوان متهمینو ته پر ۱۸ میاشتې تنفیذي بند سربېره هر متهم ته د (۳۹) دُرې تعزیري سزا د تطبیق فیصله وکړه، دغه فیصله د جنوب لوېديځ زون د تمیز عالي مقام او د سترې محکمې د قضائي معاونیت لخوا هم تائید شوه.
متهمینو ته د تعزیري سزا د حکم د تطبیق پر مهال د محاکمو پر مسؤولینو سربېره مراجعینو او عامو هیوادوالو هم ګډون درلود.
