د قضائیه قوې د محاکمو د امنیتي او اجرائیوي چارو په عمومي ریاست کې د کارونو د ارزونې او د مسؤولینو د همغږۍ غونډه ترسره شوه
د روان ۱۴۴۵ هـ ق کال د جمادی الأولی میاشتې په لومړۍ نېټه د قضائیه قوې د محاکمو د امنیتي او اجرائیوي چارو عمومي ریاست د غونډو په تالار کې د یاد ریاست د رئیس محترم مولوي محمد عوض(سعید) په مشرۍ د مدیریتونو او آمریتونو د تیرې اونۍ د کارونو د ارزونې او د مسؤولینو ترمنځ د همغږۍ د لا تقویې په موخه غونډه ترسره شوه.
په دې غونډه کې د قضائیه قوې د محاکمو د امنیتي او اجرائیوي چارو عمومي رئیس محترم الحاج مولوي محمد عوض (سعید)، د نظامي محاکمو د امنیتي او اجرائیوي قوماندانۍ سرپرست او رئیس ارکان حافظ سید حکمت الله آغا (ذهین)، د ملکي محاکمو د امنیتي قوماندانۍ عمومي قوماندان مولوي عبدالله (عزام)، د ملکي محاکمو د امنیتي قطعاتو قوماندانۍ رئیس ارکان مولوي احمدالله (میوندوال)، د تفتیش او کنټرول مدیر مفتي عبدالرؤف (یوسف)، د یاد ریاست د دفتر عمومي مدیر مولوي خان محمد (مستغفر) د پېژند عمومي مدير مولوي نورمحمد (قتیبه) او نورو مسؤولینو او منسوبینو ګډون درلود.
د قضائیه قوې د محاکمو امنیتي او اجرائیوي چارو عمومي رئیس په دې غونډه کې د مسؤولینو د کارونو پر ارزونه سربېره د مسؤولینو پرهمغږۍ ټینګار وکړ وویل، مسؤولین باید د مسؤولیتونو په ادا کولو کې يو له بل سره همکار وي، ترڅو مسؤولیتونه په آسانۍ او ښه ډول سرته ورسېږي.
غونډه د حاضرینو تر نظرونو اورېدو وروسته د نظامي محاکمو د امنیتي او اجرائیوي قوماندانۍ د رئیس لخوا په اختتامیه دعا سره پای ته ورسېده.
