د سترې محکمې د حقوقو عمومي رئیس کاپیسا او پروان ولایتونو ته سفر وکړ
د چهارشنبې په ورځ (12 /3 /1445هـ ق) نېټه د حقوقو عمومي رئیس محترم مفتي محمد ابراهیم جان (ابوالحفاظ) کاپیسا او پروان ولایتونو ته د سفر پر مهال د یادو ولایتونو د مرافعه محاکمو له رئیسانو او د حقوقو له آمرینو سره وکتل.
د حقوقو عمومي رئیس په دې لیدنو کې د یادو ولایتونو د حقوقو د اداري څانګو اړوند خالي بستونو ته د وړ کسانو د جذب لپاره پر لازمو لارو چارو خبرې وکړې.
دغه راز محترم مفتي ابراهیم جان (ابوالحفاظ) د یاد سفر پر مهال له ځینو متقاضي اشخاصو څخه ازموینه هم واخیسته.
د ولایتي محاکمو او حقوقو امریت مسؤولینو د یادو لیدنو پر مهال د حقوقي له عمومي رئیس سره ژمنه وکړه چې خپلې چارې به د عمومي ریاست په همکارۍ او همغږۍ په اصولي ډول ترسره کوي.
