د کابل ښار د ابتدائیه محکمې په څلورمه حوزه کې له لس ورځني سمینار وروسته د همغږۍ غونډه ترسره شوه
د سه شنبې په ورځ (د ۱۴۴۵ کال د صفرالمظفر میاشتې په ۶مه) د کابل ښار د څلورمې حوزې د ابتدائیه محکمې عمومي رئیس محترم مفتي عبدالرحمن (عزیزي) په مشرۍ او د یادې محکمې د دېوانونو د رئیس صاحبانو او قاضي صاحبانو په ګډون د دې محکمې د مقام په دفتر کې د همغږۍ غونډه جوړه شوه.
څو ورځې مخکې چې د محاکمو د مسلکي غړو لپاره د سترې محکمې لخوا سیمینار جوړ شوی و؛ نن په هغه سیمینار کې د ذکر شوو مواردو په ښه توګه د پلي کولو او د لا زیات پوهاوي په موخه په دې محکمه کې غونډه وشوه.
غونډه د قرآنکریم د څو مبارکو آیاتونو په تلاوت سره پیل او ورپسې د دې محکمې کارکوونکو ته لاندې لارښوونې وشوې:
1- فیصلې او قرارونه باید په سیمینار کې د وړاندې شوي تعلیمات نامې له لارښوونو سره سم ولیکل شي.
۲- د پورتني تعلیمات نامې د محتوياتو په تطبيق کې دې ډېر دقت وشي او په همغږۍ سره دې عملي کړای شي.
۳- د فیصلو او قرارونو د لیکلو پر مهال باید املایي او انشايي خطاوو، د قضیې سرلیک، د اسنادو له مخې د قضیې يېژندنې او نورو مواردو ته جدي توجه وشي.
۴- د کابل د مرافعه محکمې د محترم رئیس د لارښوونې له مخې، مفتي صاحبان دې په دېوانونو کې د کار د کمولو په خاطر له محریرینو سره د فیصلو او قرارونو په لیکلو کې همکاري وکړي.
د غونډې په پای کې د غونډې ګډونوالو د چارو د ښه تطبیق او په چارو کې د آسانتیاوو راوستولو په موخه خپل نظریات او وړاندیزونه شریک کړل او له هر اړخیز بحث وروسته ټول ګډونوال تفاهم ته ورسیدل.
غونډه د دعا په لوستلو سره پای ته ورسېده.
