د غزني د مرافعه محکمې سرپرست د ياد ولايت له امنيتي مسؤولينو سره د همغږۍ غونډه ترسره کړه
پنجشنبه تاریخ ۱۴۴۵/۱/۳ ھ ق د غزني ولایت د مرافعه محکمې سرپرست رئیس مولوي محمد مبين الطاف د غزني ولایت د مرافعه محکمې په مقام کې د ټولو ولسوالیو له ولسوالانو، امنیه قوماندانانو، د غزني ولایت د امنیت له آمر او همدارنګه د حوزو له آمرینو سره د همغږۍ او همانګۍ غونډه وکړه.
د مرافعه محکمې سرپرست رئیس مولوي محمد مبین الطاف د محاکمو په اړه مفصله وینا وکړه او زياته يې کړه، ستاسو ټولو مسؤلینو دنده ده چې د محاکمو پرېکړې به عملي کوئ او له هغوی څخه غوښتنه وکړه چې په دې برخه کې د تېر په څېر همکار و اوسئ.
وروسته د امنیت آمر مولوي خادم صاحب د ټولو راغلو مسؤلینو په نماینده ګي خبرې وکړې او له خپله اړخه یې اطمینان ورکړ چې حتی الوسع به د محاکمو د پرېکړو په عملي کولو کې کوټلي ګامونه اخلي، وروسته ټولو راغلو مسؤلینو د ورته غونډو د دوام غوښتنه وکړه.
غونډه د دعائيه په ويلو سره پای ته ورسېده.
