د میدان وردګ ولایت اړوند محاکمو په دوو اونیو کې د (۱۶۷) دوسیو پر حل او فصل سربېره (۲۴۶) وثایق اجرأ کړي دي

له ۱۶ /۷ /۱۴۴۴ هـ ق څخه تر ۳۰ /۷ /۱۴۴۴ هـ ق نېټې د میدان وردګ ولایت د محاکمو د دوسیو او وثایقو توحیدي راپور په لاندې ډول شریک شوی دی:

په دغه راپور کې د میدان وردګ ولایت د مرافعه محکمې، د ښاري ابتدائیه محکمې او ولسوالیو د ابتدائیه محاکمو د تېرو دوو اونیو حقوقي، جزائي او تجارتي اجراآت شامل دي.

په حقوقي برخه کې:

په تېرو دوو اونیو کې (۸۴) حقوقي دوسیې محاکمو ته راجع شوې دي، په داسې حال کې چې مخکې هم یو شمېر دوسیې موجودې او تر دوران لاندې وې.

له دې جملې څخه (۴۳) مکتوبي، (۳۸) دوسیې د قضائي قرار په وسیله او (۳۸) دوسیې فیصله شوې او پاتې دوسیې تر کار لاندې دي.

په جزائي برخه کې:

په تېرو دوو اونیو کې (۱۷)جزائي دوسیې محاکمو ته راجع شوې دي، په داسې حال کې چې مخکې هم یو شمېر دوسیې موجودې او تر دوران لاندې وې.

له دې جملې څخه د (۱۷) دوسیو په اړه مکتوبي اجراآت شوي، د (۱۶) دوسیو په تړاو قضائي قرارونه صادر شوي، (۱۵) دوسیې فیصله شوې او پاتې دوسیې تر کار لاندې دي.

دغه راز په یاده موده کې (۲۴۶) بېلا بېل وثایق اجراء شوي چې د افغانستان اسلامي امارت د عالیقدر امیرالمؤمنین حفظه الله د۲۶/۷/۱۴۴۳ هـ ق نېټې د (۳۴۲ج ۱) شمېره فرمان په اساس یې قېمت نه دی اخیستل شوی.