لوګر ولايت کې دوو مجرمينو ته تعزیري سزا ورکړل شوه
د لوګر ولایت د برکي برک ولسوالۍ د ابتدائیه محکمې د پرېکړې په اساس د يوې ښځې په ګډون دوو تنو د اخلاقي فساد او له کوره د تېښتې په جرم، په ۲۴/ ۲/ ۱۴۴۶ هـ ق نېټه په عام محضر کې تعزیري سزا ورکړل شوه.
ابتدائيه محکمې ياد مجرمين پر پنځه ـ پنځه کاله تنفيذي بند او ۳۹ ـ ۳۹ دُرو تعزيري سزا محکوم کړي وو؛ چې ياد حکم د سترې محکمې د عالي مقام له تائيد وروسته پر مجرمينو تطبيق شو.
په دې موخه جوړه شوې غونډه کې علماء کرامو او د یادې محکمې رئيس د حدودو او تعزیراتو په تطبیق تفصيلي، ارزښتناکې او ګټورې خبرې وکړې.
