د ميدان وردګ ولايت مرافعه محکمې رئيس په مشرۍ اداري غونډه وشوه
د میدان وردګ ولایت مرافعه محکمې رئيس محترم مفتي عبدالله (فرقاني) په مشرۍ؛ د قضائي غړو او اداري کارکوونکو په ګډون په ۱۲/ ۹/ ۱۴۴۶ هـ ق نېټه اداري غونډه ترسره شوه.
غونډه د قرآنکريم د څو مبارکو آیاتونو په تلاوت پيل شوه؛ ورپسې د مرافعه محکمې رئيس ګډونوالو ته په خطاب کې وویل، ټول قضائي غړي او اداري کارکوونکي بايد د رسمياتو د وخت پابندي وکړي، د محکمې د نظافت خیال وساتي او د بيت المآل په مصرف کې احتياط وشي.
دغه راز د مرافعه محکمې رئيس ګډونوالو ته د بېلا بېلو موضوعاتو په اړه لازمې سپارښتنې او لارښوونې وکړې.
غونډه د دعا په ویلو پای ته ورسېده.
