د پکتيا د مرافعه محکمې رئیس د یاد ولایت له زندان څخه لیدنه وکړه

د پکتیا ولایت د مرافعه محکمې عمومي رئيس الحاج مفتي عبیدالله (خالد) په ۳۰/ ۲/ ۱۴۴۶ هـ ق نېټه د ياد ولایت له زندان څخه لیدنه وکړه.
 په دې ليدنه کې د مرافعه محکمې رئيس لومړی له نارینه وو او ښځینه وو بنديانو سره وکتل؛ ورپسې یې د زندان له طعام خونې، کلینیک، چاپیریال او اطاقونو څخه لیدنه وکړه او له زندانیانو یې د دوی د وضعیت په اړه بشپړ معلومات وکړل.
د ليدنې په وروستيو کې محترم مفتي خالد د زندان مسؤولینو ته لازمې سپارښتنې وکړې، ترڅو د شته امکاناتو سره سم د زندانیانو موضوعاتو ته رسېدنه وکړي او له هغوی سره د تل په څېر ښه چلند وکړي.
په پای کې د پکتیا زندان رئيس مولوي سهیل (سعید) د مرافعه محکمې عمومي رئيس ته ډاډ ورکړ چې موږ به تل هڅه کوو د اسلامي او شرعي اصولو په رڼا کې د زندانیانو غوښتنو او اړتیاوو ته رسېدنه وکړو او دوی ته د ارامې، سالمې او ښې فضاء زمینه برابره کړو.