محترم مولوي عبدالله د پکتيا ولايت د ډنډ پټان ولسوالۍ د ابتدائیه محکمې د نوي رئیس په توګه معرفي شو
د پکتیا ولایت د ډنډ پټان ولسوالۍ د ابتدائیه محکمې نوی رئیس محترم مولوي عبدالله (حقاني) په ۶/۳/۱۴۴۶هـ ق نېټه د یوې غونډې په ترڅ کې معرفي او رسماً یې چارې پیل کړې.
د نوموړي د معرفت په غونډه کې د یادې ولسوالۍ مرستيال ولسوال مولوي ضیاءالدین، مخکنی رئیس مولوي حاجي ګل (روحاني)، د څمکنیو ولسوالۍ د ابتدائیه محکمې رئیس مولوي جنت میر (متقي)، د سرحد د کمیسارۍ مسؤول مولوي عبیده، د ګمرک رئیس مولوي احرار او قومي مشرانو ګډون درلود.
غونډه د قرآنکریم د څو مبارکو آیاتونو په تلاوت پیل شوه؛ ورپسې د ډنډ پټان ابتدائیه محکمې مفتي مولوي امیر محمد (جواد) ټولو راغلو ګډونوالو ته ښه راغلاست ووايه.
د غونډې په دوام مرستيال ولسوال د نظام په اهمیت خبرې وکړې، وروسته د څمکنیو ولسوالۍ د ابتدائیه محکمې رئیس نوی ټاکل شوی رئیس د غونډې ګډونوالو ته ور معرفي کړ.
د غونډې په وروستيو کې نوي ټاکل شوي رئیس د قضاء په اهمیت باندې هر اړخيزې او ارزښتناکې خبرې وکړې او غونډه د مخکني رئیس په دعاء پای ته ورسېده.
