د فراه ولایت د مرافعه محکمې رئیس د یاد ولایت له والي سره وکتل
د فراه ولایت د مرافعه محکمې محترم رئیس مولوي غلام رسول (احساني) د ياد ولایت له محترم والي مولوي غوث الدین (رهبر) سره د دېوانونو د رئیسانو، د جوین ولسوالۍ د قضائي غړو، قومندان، د جنائي او استخباراتو مديرانو په ګډون په ۱۴۴۶/۶/۶ هـ ق نېټه په خپل کاري دفتر کې ناسته ترسره کړه.
ناسته د قرآن کریم د څو مبارکو آياتونو په تلاوت پیل شوه؛ ورپسې د ګډونوالو ترمنځ د همغږۍ او انسجام د لا دوام او ټينګښت په موخه اړينې مشورې او خبرې اترې وشوې.
د غونډې په دوام له هر اړخيز بحث او خبرو وروسته له یو بل سره د یووالي او ښې همغږۍ په رامنځته کولو ټينګار وشو.
ناسته د دعاء په ويلو پای ته ورسېده.
