د روزګان ولایت د ګیزاب ولسوالۍ ابتدائيه محکمې مسؤولينو په هڅو د قتل موضوع حل او فصل شوه
د روزګان ولایت د ګیزاب ولسوالۍ ابتدائیه محکمې په ډېرو هڅو؛ په ۱۵/۱/۱۴۴۸ هـ ق نېټه د قتل موضوع د سولې له لارې حل او فصل شوه.
یاده موضوع د کورنۍ شخړې له امله رامنځته شوې وه او يو کس په قتل رسېدلی و؛ چې ابتدائیه محکمې ته تر راجع کېدو وروسته یاده موضوع په غور او دقت وڅېړل شوه.
ورپسې د ابتدائيه محکمې او نورو امارتي ادارو د مسؤولینو په هڅو او قومي مشرانو په منځګړیتوب، یاده د قتل موضوع د سولې له لارې حل او رسمًا پای ته ورسېده.
