د کونړ ولایت مرافعه محکمې رئیس د یاد ولایت د خاص کونړ ولسوالۍ له ابتدائيه محکمې څخه ليدنه وکړه
د کونړ ولایت مرافعه محکمې رئيس محترم مولوي محمدایوب (قلم) چې د یاد ولایت د مقام استازي محمد زبیر (سپېڅلي)، اداري او تأمیناتي آمر مولوي حقیار، د امنیه قوماندانۍ، املاکو مدیریت، تعمیراتو او د ښاروالۍ استازو یې ملتیا کوله، په ۲۱ /۵ /۱۴۴۶هـ ق نېټه د خاص کونړ ولسوالۍ د ملکیت د انتقال په اړه د عاليقدر امیرالمؤمنین (حفظهالله) د (۵۵۸۷) ګڼې، ۲۰/۱۱/۱۴۴۵هـ ق نېټې حکم د پلي کولو په موخه یادې ولسوالۍ ته سفر وکړ.
د خاص کونړ ولسوالۍ ابتدائیه محکمې لپاره ټاکل شوې سیمه له ارزونې وروسته (2.81) جرېبه تثبیت او د عالیقدر امیرالمؤمنین (حفظهالله) د یاد حکم په اساس د مسؤولينو په شتون کې د محکمې لپاره تسلیم شوه.
دغه راز د مرافعه محکمې رئیس د اړوند برخو مسؤولینو ته د یادې ځمکې د انتقال بهیر په تړاو چې په انتقالي فورمونو ترسره کېږي، د قانوني او اصولي اجراآتو د کولو هدایت وکړ.
