په میدان وردګ ولایت کې یوه متهم ته تعزیري سزا ورکړل شوه
د میدان وردګ ولایت د جلریز ولسوالۍ د ابتدائیه محکمې د پرېکړې په اساس په ۱/ ۶/ ۱۴۴۶هـ ق نېټه یو تن ته چې پر غلا متهم و، په عام محضر کې تعزیري سزا ورکړل شوه.
ابتدائيه محکمې یاد متهم پر درې کاله تنفیذي بند او ۳۲دُرو تعزیري سزا محکوم کړی و.
په دې موخه جوړه شوې غونډه کې د جلریز ولسوالۍ د ابتدائیه محکمې رئیس محترم مفتي رحمت الله (نعماني) او نورو قضائي غړو، د جلریز ولسوال محترم مولوي محمدجان (محمدي) د امربالمعروف، نهی عن المنکر او شکایتونو د اورېدو او نورو امارتي ادارو مسؤولینو او عامو هېوادوالو ګډون درلود.
غونډه د قرآنکریم د مبارکو آیاتونو په تلاوت پیل شوه، ورپسې مسؤولینو د تعزیري سزاګانو د تطبیق پر ګټو او یو شمېر نورو موضوعاتو خبرې وکړې.
د غونډې په وروستیو کې پر متهم د تعزیري سزا حکم چې د سترې محکمې عالي مقام هم تائید کړی و تطبیق شو.
غونډه د دعا په ویلو پای ته ورسېده.
