د قضائیه قوې د محاکمو امنیتي او اجرائیوي چارو عمومي ریاست کې یو مسجد جوړ او ګټې اخیستنې ته وسپارل شو
د قضائیه قوې د محاکمو امنیتي او اجرائیوي چارو عمومي ریاست په انګړ کې د یاد ریاست اړوند مجاهدینو او منسوبینو لپاره یو مسجد جوړ او په۲۲ /جمادی الأولی/ ١٤٤٦هـ ق نېټه ګټې اخیستنې ته وسپارل شو.
رغول شوي مسجد کې چې د یاد ریاست د محترم رئيس الحاج مولوي محمد عوض سعید په ځانګړي هدایت او د اداري او تأمیناتي محترم معاونیت په نظارت یې تعمیراتي چارې په منظمه او عصري بڼه ترسره شوې په یو وخت ۴۳۵ کسان لمونځ اداء کولای شي.
دغه راز د قضائيه قوې د محاکمو امنیتي او اجرائيوي چارو عمومي ریاست کارکوونکو د یاد مسجد په جوړېدو خوښي څرګنده کړه وویل، خوشاله یو چې د لمانځه د اداء کولو لپاره راته په عصري بڼه او بشپړو امکاناتو برابر مسجد ورغول شو.
د یادونې وړ ده چې د یاد مسجد تر څنګ د اوداسه لپاره هم منظم او مناسب ځای جوړ شو.
