کونړ ولايت کې دوو مجرمينو او شپږو متهمينو ته تعزیري سزا ورکړل شوه
د کونړ ولايت د مرافعه محکمې د جزا دېوان، د ښاري ابتدائیه محکمې د جزا دېوان او شيګل ولسوالۍ د ابتدائيه محکمې د پرېکړو په اساس د يوې ښځې په ګډون اتو (۸) کسانو ته چې پر لواطت، غلا او د کوره پر تېښته متهم وو؛ په ۷/ ۴/ ۱۴۴۶هـ ق نېټه په عام محضر کې تعزیري سزا ورکړل شوه.
د یادو مجرمينو او متهمينو له جملې څخه دوه مجرمين پر ۲ ـ ۲ کاله تنفيذي بند او ۳۹ دُرو تعزیري سزا، لومړی متهم پر درې کاله تنفيذي بند او ۲۰ دُرو تعزیري سزا، دوه متهمين پر اووه ـ اووه میاشتو تنفيذي او ۲۰ ـ ۲۰ دُرو تعزیري سزا، څلورم متهم پر پنځلس ورځې تنفيذي بند او ۱۵ دُرو تعزیري سزا، پنځم متهم پر يو کال تنفيذي بند او ۲۰ دُرو تعزیري سزا او وروستی متهم پر ۱۶ ورځو تنفيذي بند او ۱۰ دُرو تعزیري سزا محکوم شوي وو.
پر یادو مجرمینو او متهمینو د تعزیري سزا د حکم د تطبیق پر مهال د محاکمو مسؤولینو، د کونړ والي، امنیه قوماندان، د علماوو شورا استازو، د ادارو مسؤولینو او سلګونه هېوادوالو ګډون درلود.
