د کندهار ولایت د مرافعه محکمې د رئیس په مشرۍ د دېوانونو د رئیسانو تر منځ غونډه ترسره شوه

سه شنبه ۱۴۴۴/۱۱/۲۴ ھ.ق نېټه د کندهار ولایت مرافعه محکمې د دېوانونو رئیسانو غونډه په داسي حال کې، چې د یادو دېوانونو رئيسانو، د تحریراتو رئيس او د وثایقو آمر ګډون درلود، د مرافعه محکمې رئیس محترم شیخ الحدیث مولوی عبدالغفار(بحر)صاحب په مشرۍ دایره شوه.
یاده غونډه د مدني دېوان د رئیس مولوي عبدالجلیل ( سفیان ) صاحب لخوا د قرآن کریم د څو مبارکو آیاتونو په تلاوت پیل شوه.
وروسته د مرافعه محکمې رئیس محترم شیخ الحدیث مولوي عبدالغفار (بحر) صاحب په خپله وینا کې وویل:
 څرنګه چې لیدل کیږي یو تعداد د مرافعه محکمې رئیس صاحبانو له محبس څخه لیدنه کړې وه او په خپلو راپورونو کې یې یو تعداد د بندیانو د بې سرنوشتۍ معلومات راکړي، بهتره به وي چې په میاشت کې یو یا دوه ځلې ټول د دېوانونو رئيسان هغه که ابتدائيه او یا مرافعه دي له محبس څخه لیدنه وکړي ترڅو هیڅ یو بندي د بې سرنوشتۍ په حالت کې پاته نه وي.
 همدارنګه په یاده غونډه کې په یوه حقوقي موضوع باندې هم بحث وشو او هیئت ورته وټاکل شو ترڅو ساحې ته ولاړ شي له نږدې په موضوع کې تحقیق او څېړنه وکړي.
او په یاده غونډه کې هدایت وشو، چې محاکم دي په خپلو  فیصلو کې د فیصلې لیکلو تعلیماتنامې (۶۴)مادې هدایت مطابق عمل وکړي.
یاده غونډه د دعا په ویلو سره پای ته ورسېده.