د کابل د مرافعه محکمې رئیس د کورنیو چارو وزارت د جرمونو پر وړاندې د کشف او مبارزې له لوی رئیس سره وکتل

m_admin
یکشنبه ۱۴۰۲/۶/۲۶ - ۱۴:۵۵
د کابل د مرافعه محکمې رئیس د کورنیو چارو وزارت د  جرمونو پر وړاندې د کشف او مبارزې له لوی رئیس سره وکتل

د کابل ولایت د مرافعه محکمې عمومي  رئیس ښاغلي مولوي عبدالشکور  "رشادآخندزاده" صاحب د روان ۱۴۴۵ هـ ق کال د صفرالمظفر میاشتې په ۲۲مه نېټه د کابل ښار د ابتدائیه محاکمو د څلورو زونونو له محترمو رئیسانو، د کورنیو چارو وزارت د  جرمونو پر وړاندې د کشف او مبارزې له لوی رئیس محترم مولوي سلطان محمد (مفکر) او د کورنیو چارو وزارت د عمومي تحقیقاتو او محبس له کارکوونکي محترم مولوي نور احمد سره د بندیانو دوسیو ته په وخت د رسېدنې او له هغوی سره  د شریعت مطابق چلند پر مواردو د بحث په موخه د کابل د مرافعه محکمې د مقام په دفتر کې وکتل.

غونډه د قرآنکریم د څو مبارکو آیاتونو په تلاوت پیل شوه؛ ورپسې ښاغلي مولوي عبدالشکور (رشادآخندزاده) صاحب د غونډې ګډونوالو په ښه راغلاست سربېره مقدماني خبرې وکړې.

دغه راز د کورنیو چارو وزارت محترمو مسؤولینو د بندیانو په هکله د دوی د اجراآتو په اړه  بشپړ معلومات  وړاندې کړل او د خپلو اجراآتو د لا بهبود  لپاره یې د مرافعې محکمې له رئیس څخه په یو لړ مربوطه مواردو کې د همکارۍ غوښتنه وکړه.

وروسته د مرافعه محکمې رئیس ښاغلي "رشاد آخندزاده" صاحب او د څلورو زونونو د ابتدائیه محاکمو ښاغلو رئیسانو د بندیانو دوسیو ته په ښه توګه د رسېدنې په هکله هر اړخیز بحث وکړ.

د ناستې په پای کې دواړو ارګانونو په مربوطه مواردو کې یو بل ته د پوره همکارۍ ډاډ ورکړ او غونډه د دعا په ویلو پای ته ورسېده.

تازه خبرونه

دوشنبه ۱۴۰۳/۴/۲۵ - ۱۵:۴۱
Background image

د کندهار ولايت ښاري ابتدائیه محکمې په يوه میاشت کې (۱۲۰) دوسيو ته رسېدنه کړې ده

د کندهار ولايت ښاري ابتدائیه محکمې په يوه مياشت کې له (‎۱/ ۱۲/ ۱۴۴۵هـ ق څخه تر ۱/ ۱/ ۱۴۴۶ هـ ق) نېټې پورې په حقوقي او جزائي برخو کې (۱۲۰) دوسیو ته رسېدنه کړې ده؛ چې جزئيات يې په لاندې. . .

دوشنبه ۱۴۰۳/۴/۲۵ - ۱۵:۳۰
Background image

د پکتیا ولایت محاکمو په یوه میاشت کې (۳۰۳) دوسیو ته پر رسېدنه سربېره (۱۳۷) وثیقې هم اجرا کړې دي

په دغه راپور کې له (۱/۱۲/۱۴۴۵ څخه تر ۲۹/۱۲/۱۴۴۵ هـ ق) نېټې د پکتیا ولایت د مرافعه محکمې، وثایقو، د ښاري ابتدائیه محکمې، اختصاصي محکمې، د پکتیا زون ابتدائيه نظامي محکمې او د ولسوالیو. . .

دوشنبه ۱۴۰۳/۴/۲۵ - ۱۴:۶
Background image

د کابل د نشه‌يي توکو او مسکراتو څخه د مخنيوي ابتدائيه محکمې په يوه مياشت کې (۳۹۸) دوسیې حل او فصل کړې دي

د کابل ولایت د نشه‌يي توکو او مسکراتو څخه د مخنيوي ابتدائیه محکمې له (۱ /۱۲ /۱۴۴۵هـ ق نېټې څخه تر ۲۹ /۱۲ /۱۴۴۵هـ ق) نېټې پورې (۳۹۸) دوسيو ته رسېدنه کړې ده؛ چې جزئيات يې په لاندې ډول دي.. . .

بیا په خبرونو کی