د کابل ابتدائيه محکمې اړوند څلورو زونونو په يوه مياشت کې (۱۶۷۴) دوسيې حل او فصل کړې دي

د کابل ولایت ښاري ابتدائيه محکمې اړوند څلورو زونونو په يوه مياشت کې له ( ۱۶/ ۴/ ۱۴۴۵هـ ق څخه تر ۱۵/ ۵/ ۱۴۴۵ هـ ق) نېټې پورې (۱۶۷۴) دوسيې حل او فصل کړې دي، چې جزئيات يې په لاندې ډول دي.
په جزائي برخه کې:
د کابل د ابتدائیه محکمې اړوند څلورو زونونو ته په يوه مياشت کې (۵۶۵) جزائي دوسیې واردې شوې، په داسې حال کې چې مخکې هم يو شمېر دوسيې موجودې وې.
له دې جملې څخه (۳۴۰) دوسیې فیصله شوې، د (۱۸۳) دوسیو په تړاو قضائي قرارونه صادر شوي، (۱۰۸) دوسيې مکتوبي مستردې شوې او پاتې دوسيې تر کار لاندې دي.
په حقوقي برخه کې:
د کابل د ابتدائیه محکمې اړوند څلورو زونونو ته په يوه مياشت کې (۴۱۵) حقوقي دوسیې واردې شوې، په داسې حال کې چې مخکې هم يو شمېر دوسيې موجودې وې.
له دې جملې څخه (۶۵) دوسیې فیصله شوې، د (۴۱۹) دوسیو په تړاو قضائي قرارونه صادر شوي، (۸۶) دوسيې مکتوبي مستردې شوې او پاتې دوسيې تر کار لاندې دي.
په تجارتي برخه کې:
 د کابل ښار د ابتدائیه محاکمو څلورو زونونو ته په يوه مياشت کې (۳۹۲) تجارتي دوسیې واردې شوې، په داسې حال کې چې مخکې هم يو شمېر دوسيې موجودې وې.
له دې جملې څخه (۷۵) دوسیې فیصله شوې، د (۳۷۰) دوسیو په تړاو قضائي قرارونه صادر شوي، (۲۸) دوسيې مکتوبي مستردې شوې او پاتې دوسيې تر کار لاندې دي.