د ميدان وردګ ولايت د مرافعه محکمې رئيس د جلریز ولسوالۍ له ابتدائیه محکمې څخه لیدنه وکړه
د ۱۴۴۵ هـ ق کال د ربیع الثاني میاشتې په ۱۴مه نېټه د میدان وردګ ولایت د مرافعه محکمې رئيس محترم مولوي عبدالکریم (حقاني) د يو څلور کسيز پلاوي په مشرۍ د جلریز ولسوالۍ له ابتدائیه محکمې څخه لیدنه وکړه.
ياد پلاوي د جلريز ولسوالۍ د ابتدائیه محکمې له قضائي او اداري چارو څخه څارنه او ارزونه وکړه او د دې لپاره چې مراجعین له ستونزو سره مخ نشي، کارونه یې لا ښه پر مخ ولاړ شي، د یادې ولسوالۍ ابتدائيه محکمې مسؤولینو ته یې سپارښتنه وکړه چې د اصولو، مقرراتو او حاضرۍ پابندي وکړي.
په دې سربېره د مرافعه محکمې رئیس د دوسیو پر ژر فیصله کولو، له مراجعینو سره د نېک او ښه چلند په کولو ټينګار وکړ.
د دې ليدنې په پاى کې د جلريز ولسوالۍ د ابتداٸيه محکمې مسٶلينو ته د ستونزو د حل په برخه کې ډاډ او اطمنیان ورکړل شو.
