د ميدان وردګ د چک ولسوالۍ د ابتدائيه محکمې په هڅو د مقتول کورنۍ لخوا قاتل بخښنه وشوه
د سه شنبې په ورځ (۱۴۴۵ هـ ق کال د جمادی الأولی مياشتې په ۱۴مه نېټه) د ميدان وردګ ولايت د چک ولسوالۍ د ابتدائيه محکمې په هڅو د مقتول کورنۍ قاتل ته بخښنه وکړه.
په ياده پېښه کې چې د ۱۴۴۵ هـ ق کال د ربيع الثاني مياشتې په ۲۲مه نېټه رامنځته شوې وه، د ميدان وردګ ولايت د چک ولسوالۍ د مداد د کلي اصلي او فعلي اوسېدونکی دی، د همدې کلي یو اوسېدونکی د تومانچې په وسیله په قتل رسولی و.
د يادو کسانو دوسيه د پېښې له رامنځته کېدو وروسته د چک ولسوالۍ ابتدائيه محکمې ته په رسمي ډول راجع او د يادې محکمې لخوا په غور او دقت وڅېړل شوه؛ له پوره او هر اړخيزې څيړنې وروسته د چک ولسوالۍ د ابتدائيه محکمې په هڅو، د ديني علماء کرامو او قومي مشرانو په منځګړيتوب د مقتول کورنۍ قاتل ته بخښنه وکړه او قضيه يې په رسمي ډول حل شوه.
د يادونې وړ ده چې د قضيې دواړو لوريو د محکمې له هڅو څخه خوښي او پوره رضايت څرګند کړ، د الله (جل جلاله) له ستر دربار څخه يې ورته د لا ښه خدمت کولو د توفيق غوښتنه وکړه او د اسلامي امارت د نظام د بقاء او استقامت دعا يې وکړه.