د لغمان د مرافعه محکمې عمومي رئیس د یاد ولایت له زندان څخه لیدنه وکړه
د روان کال ۱۷/ ۶/ ۱۴۴۵هـ ق نېټه د لغمان ولایت د مرافعه محکمې عمومي رئیس محترم الحاج مفتي عبدالله (فرقاني) په مشرۍ يو ګډ پلاوي د لغمان ولایت د عمومي زندان څخه لیدنه وکړه.
په ياده ليدنه کې ياد پلاوي د بندیانو حالت له نږدې وکاته، د هغوی ستونزې او مشکلات يې واورېدل، د زندان مسؤولینو ته يې د بنديانو د ستونزو د حل په موخه لازم هدایات ورکړل. همداراز ياد پلاوي د بندیانو د دوسیو په اړه معلومات وکړل، تر څو داسې اشخاص په زندان کې پاتې نشي چې بې ګناه او یا هم بې برخلیکه وي.
د ليدنې په دوام د لغمان ولایت د مرافعه محکمې رئیس د زندان مسؤولینو ته په خطاب کې وویل: را سپارل شوي دندې زموږ دنیوي او اخروی مسؤلیت دی، باید په صداقت او پوره ایماندارۍ سره يې ترسره کړو، په ځانګړې توګه د بندیانو په وړاندې چې دوی د انساني کرامت خاوندان دي، خدای مکړه د دوی په چارو کې د ناغېړۍ له امله الله تبارک و تعالی له موږ څخه ناراضه شي.