د سترې محکمې د عالي شورا د (۱۴۴۵) هـ ق کال ۱۰مه غونډه ترسره شوه
د چهارشنبې په ورځ (۸/جمادی الأولی/۱۴۴۵ هـ ق) نېټه د افغانستان اسلامي امارت د سترې محکمې د قضائي معاون محترم شیخ محمد قاسم (راسخ) صاحب په سرپرستۍ د سترې محکمې د عالي شورا د ۱۴۴۵ هـ ق کال ۱۰مه غونډه ترسره شوه.
د سترې محکمې د عالي شورا په دې ناسته کې چې د سترې محکمې د قضائي معاون محترم شیخ محمد قاسم (راسخ) په سرپرستۍ جوړه شوې وه د عالي شورا غړو محترم شیخ عبدالمالک (حقاني) صاحب، محترم شیخ خیرجان (خیرخواه) صاحب، محترم شیخ محمد شریف (حقاني) صاحب او محترم مفتي عبدالرشید (سعید) صاحب ګډون درلود.
د عالي شورا په دې ناسته کې د غونډې په اجنډا کې د شاملو دوولسو (۱۲) مهمو موضوعاتو په اړه تر تفصیلي خبرو وروسته د یادو موضوعاتو اړوند فیصلې صادرې شوې.
د سترې محکمې د عالي شورا یاده ناسته د دعاء په ویلو سره پای ته ورسېده.
