د زابل د مرافعه محکمې رئيس د ياد ولايت د عمومي محبس له مدیر سره وکتل
د سه شنبې په ورځ (د روان 1444ھ ق کال د رجب مياشتې په 16مه نېټه) د زابل ولايت د مرافعه محکمې رئیس محترم شیخ نقيب الله اخندزاده د ياد ولايت د عمومي محبس له مدیر مولوي حکمت الله خطاب سره د مرافعه محکمې په رياست مقام کې وکتل.
په دې لیدنه کې د ښاري محکمې رئیس مولوي فضل الرحمن فضلي او د مرافعه محکمې د تحریراتو آمر حکمت الله عاصم هم ګډون درلود.
په ياده ناسته کې د محاکمو او عمومي محبس ترمنځ د ښې همغږۍ، محاکمو ته د تحقيقاتو لپاره د بنديانو د وړلو او راوړلو په اړه تفصیلي خبرې وشوې.
د غونډې په پای کې د موجوده ستونزو او مشکلاتو د حل لپاره تصاميم ونيول شول او ناسته د دعاء په ویلو پای ته ورسېده.
