د بلخ د نظامي محکمې رئیس د شبرغان او سرپل ولایتونو له عمومي زندانونو څخه لیدنه وکړه

m_admin
پنجشنبه ۱۴۰۲/۳/۴ - ۱۱:۵۰
د بلخ د نظامي محکمې رئیس د شبرغان او سرپل ولایتونو له عمومي زندانونو څخه لیدنه وکړه

د روان ۱۴۴۴ هـ ق کال د ذوالقعدې میاشتې په ۴مه نېټه د بلخ ولایت د نظامي محکمې رئیس محترم مفتي ابوعاصم د دې محکمې د قاضي محترم شیخ عبدالله (حنیف) په ملتیا د نظامي زندانیان د وضعیت د معلومولو په موخه د شبرغان او سرپل ولایتونو له عمومي زندانونو څخه لیدنه وکړه.

د بلخ د نظامي محکمې رئیس شبرغان ولایت ته د سفر پر مهال د یاد ولایت له عمومي زندان څخه پر کتنه سربېره د شبرغان له والي محترم ګل حیدر، د زندان له رئیس او د امنیه قوماندانۍ د داخلي امنیت له مدیر سره جلا، جلا لیدنې وکړې او په ځينو اړوند موضوعاتو یې وسره خبرې وکړې.

محترم مفتي ابوعاصم او محترم شیخ عبدالله (حنیف) شبرغان ولایت کې له ولایتي اداري مسؤولینو سره تر ملاقات وروسته سرپل ته سفر وکړ.

د بلخ د نظامي محکمې یاد پلاوي سرپل ولایت کې د مرستیال والي، امنیه قوماندان محترم مولوي عبدالبصیر او یو شمېر نورو مسؤولینو سره په ملاقات سربېره د قتل اړوند یوې موضوع د کشف الحال لپاره د قتل سیمې ته لاړل، هلته یې د سیمې (بغاوي کلي) له اوسېدونکو څخه د قتل په تړاو پوښتنې وکړې.

دغه راز یاد پلاوي د سرپل ولایت له عمومي زندان څخه هم لیدنه وکړه، د زندانیانو د وضعیت معلومولو په اړه یې د محبس له مدیر سره خبرې وکړې او د محبس مدیر ډاډ ورکړ چې ستاسو د محکمې اړوند زندانیان یې بلخ ته انتقال کړي او دلته هېڅ بندي نشته.

تازه خبرونه

یکشنبه ۱۴۰۲/۳/۱۴ - ۱۴:۴۴
Background image

د پکتیا ولایت محاکمو په دوو اوونیو کې د (۱۱۹) دوسیو پر حل او فصل سربېره (۸۱) وثایق هم اجرأ کړي دي

په دغه راپور کې له  ۲۳ /۱۰ /۱۴۴۴ هـ ق نېټې څخه تر ۷ /۱۱ /۱۴۴۴  هـ ق نېټې د  پکتیا ولایت د مرافعه محکمې، وثایقو، د ښاري ابتدائیه محکمې، د پکتیا زون ابتدائيه نظامي محکمې او ولسوالیو د. . .

یکشنبه ۱۴۰۲/۳/۱۴ - ۱۴:۷
Background image

د سترې محکمې د عالي شورا ۲۵مه غونډه ترسره شوه

د چهارشنبې او پنجشنبې په ورځو (۱۱، ۱۲/ ذوالقعدة/۱۴۴۴ هـ ق)نېټو د افغانستان اسلامي امارت د سترې محکمې د رئیس او قاضي القضات محترم شیخ عبدالحکیم (حقاني) صاحب په مشرۍ د سترې محکمې د عالي. . .

یکشنبه ۱۴۰۲/۳/۱۴ - ۱۲:۱۲
Background image

د فراه ولایت محاکمو په دوو اونیو کې د (۱۲۷) دوسیو پر حل او فصل سربېره، (۲۴۴) وثیقې هم اجرأ کړې دي

په دغه راپور کې له ۲۳ /۱۰ /۱۴۴۴ څخه تر ۵ /۱۱ /۱۴۴۴ هـ ق نېټې د فراه ولایت د مرافعه محکمې، ښاري ابتدائیه محکمې او د ولسوالیو د ابتدائیه محاکمو د تېرو دوو اونیو حقوقي او جزائي اجراآت شامل. . .

بیا په خبرونو کی